-
Ağıllı telefon bazarında rəqabət həm markalar, həm də platformalar arasında davam edir.
comScore şirkətinin ABŞ-ı əhatə edən araşdırması ölkənin smartfon bazarında 2015-ci ilin ilk üç ayında elə bir dəyişikliyin olmadığını söyləməyə əsas verir.
«APPLE» LİDERLİYİ QORUYUR
Yanvar-mart aylarını əhatə edən nəticələr «Apple»ın 42.6 % bazar payı ilə birinci olduğunu göstərir. Keçən ilin eyni dövrü ilə müqayisədə şirkətin bazar payı 1% artıb.
«SAMSUNG» GERİLƏYİB
Cənubi Koreyanın «Samsung» şirkəti 28.3% bazar payı ilə ikinci yerdə qərar tutub. «Apple»dan fərqli olaraq, şirkətin bazar payı ötən ilə nəzərən 1.4% azalıb. Bu da «Apple»ın yerini daha da möhkəmlətdiyini göstərir.
Beşliyin digər yerlərini isə aşağı faizlə LG, «Motorola» və HTC tuturlar.