WhatsApp artıq Android, iOS, Windows Phone əməliyyat sistemlərinin köhnə versiyasıyla çalışan smartfonlara dəstəyini kəsib.
Proqram Android 2.2 və aşağı, iOS 6.0 və ondan əvvəlki, həmçinin Windows Phone 7 əməliyyat sistemli telefonlarda artıq işləməyəcək.
Bu cür smartfonların bazar payı az olduğundan dəyişiklik o qədər də çox istifadəçiyə təsir etməyəcək.
Google Dashboard-ın göstəricisinə görə, Android smartfonların əksəriyyəti Kitkat və sonrakı versiyalarla çalışır. Apple cihazlarının isə 8 faizindən də azı iOS 9-dan əvvəlki versiyalarla çalışır.
Windows Phone 7 ilə işləyən cihazlar isə çox azdır.
WhatsApp Nokia-nın Symbian və Blackberry OS platformalı smartfonlara dəstəyini bu ilin iyun ayına qədər uzadıb. O zamanadək bu cihazlarda proqram çalışacaq.
WhatsApp köhnə əməliyyat sistemlərinin tez-tez yenilənən özəlliklər üçün yetərli olmadığını bildirir.
Populyar söhbətləşmə dünyada bir milyarddan artıq istifadəçisi var. Xidmət fayl göndərmə, video zəng və bir çox başqa özəllikləri dəstəkləyir.